Kako vetar
Ni zgledalo da će...
vrnulo se j' jugo.
Svetla negder dugo,
žmigat su otela.
Reful je zarušil,
misal se j' fermala.
Je moguće da te
čera nis poznala?
Ti si kako vetar
otpuhnul mi misli,
razgrnul si listi,
zdignul teški prahi
.. i vrnul mi strahi.
Ka san bila prvo
i ča san otela..
Kad te jos ni bilo
ča san se imela?
Se mojo j' od čera,
se tvojo j' neč drugo..
Ki bi to bil rekal:
vrnulo se j' jugo.